Pajo d'acuei
Presentacioun en francés
Catalogue dis edicioun
Editouriau dóu mes
diciounàri en ligno
Countat
 
Cambiamen de presentacioun : lou Prouvènço d'Aro, à parti dóu mes de desèmbre, passo dóu fourmat Tablouïde au fourmat berlinés, coume la majo part di journau d'aro. D'efèt à coumta dóu proumié de l'an "La Provence" sara publicado en fourmat berlinés, e coume sian estampa sus li mèmi routativo, nous a faugu nous aligna sus aquéu fourmat, en gardant pamens la memo surfàci de tèste. Bono leituro e longo mai.
   

Presentacioun

"Prouvènço d'aro" es un journau dóu fourmat tablouïde, en entié redegi en lengo d'oc que parèis chasque mes despièi janvié de 1987.
Presènto chasque mes l'atualita toucant la lengo e la culturo d'oc, en Prouvènço emai dins touto l'Oucitanìo.
L'editouriau de Bernat Giély es un pau lou ferre de lanço dins lou coumbat que se meno pèr sauva la lengo.
Sènso se mescla à la poulitico pouliticiano, li redatour de "Prouvènço d'aro" seguisson e coumenton li tèste legislatiéu en preparacioun pèr ajuda l'ensignamen de la lengo vo sa recouneissènço óuficialo, tant au nivèu de l'Estat francés qu'au nivèu de l'Europo.
Li dessin caricaturau de Gezou aduson la sau e lou pebre que fan crussi li dènt di gouvernaire de touto meno.
En mai d'aquelo acioun militanto, s'atrobo un fube d'article :

- repourtage sus la vido vidanto en Prouvènço,
- rescontre emé de persounalita …
- retour sus l'istòri de la Prouvènço,
- presentacioun e critico di nouvèu libre en lengo nostro vo toucant lou Païs d'Oc,
- presentacioun di cantaire óucitan e de si nouvèu disque.
- anóuncio e comte rendu di manifestacioun, di fèsto, di voto…
- rouman e nouvello inedit publica en fuietoun, basto, tout ço que pòu interessa lou legèire passiouna pèr sa lengo e soun païs.

"Prouvènço d'aro" es un journau dóu fourmat tablouïde de 16 pajo, tira à 4500 eisèmplàri sus li prèsso dóu quoutidian "La Provence" au Centre Méditerranéen de Presse à Marsiho.

Edicioun de libre en lengo d'oc

En mai de la publicacioun dóu mesadié, l'assouciacioun "Prouvènço d'aro" se counsacro à l'edicioun de libre en lengo d'oc.
Rouman, obro tiatralo, estùdi, tóuti li gènre soun à l'ounour dins la couleicioun.
La publicacioun de libre es tambèn l'escasènço pèr l'assouciacioun d'ourganisa de coulòqui sur l'obro de l'autour.
De mai, l'associacioun participo à touto meno de fèsto vo espousicioun de libre pèr la proumoucioun de l'escrich en lengo d'oc.

Edicioun eleitrounico

Creado, pèr proumoure la lengo au travès de tóuti li mejan mouderne de coumunicacioun, l'assouciacioun "Prouvènço d'aro" a pas manca lou rendès-vous dóu multimedia e d'Internet. Tóuti li numerò dis annado 1996, 1997, 1998, 1999, 2000, 2001 e 2002 dóu mesadié soun esta adouba en journau eleitrouni difusa sus disqueto vo CD, mai tambèn bouta en memòri dins la biblioutèco virtualo dóu Païs d'Oc "Tour-magno", counsultablo sus la telaragno de l'Intenet à l'adrèisso :

 
 
 
 
Se voulès vous abouna escriéure à :
 
"Prouvènço d'aro", 12 traverse Baude, 13010 Marsiho.
 
Se voulès d'en proumié counèisse "Prouvènço d'aro", li tres darnié numerò vous saran manda à gratis, basto pèr acò de nous baia voste noum e vosto adrèisso :
Nosto adrèisso eleitrounico : lou. journau@prouvenco-aro.com
Sèti sociau de Prouvènço d'aro,
"Flora pargue", bast.D,
64, traverso Paul, 13008 Marsiho.
 
 
 
 
Pajo d'acuei Presentacioun en francés Catalogue dis edicioun Editouriau dóu mes Mescladisso d'archieu diciounàri en ligno Countat