Culido sus li camin dóu siècle.
Lou sieisen libre que Jan-Bernat Bouéry nous prepauso es un recuei de raconte e de nouvello. Estènt nascu en 1922 a viscu quàsi dins soun entié, lou siècle que vèn de s’acaba. Aquésti cènt annado fuguèron di mai malastrouso dins l’istòri de l’umanita. Ié venguè ’nsin à biais de ié trouba lou sujèt de trege raconte pres dins soun debana, sujèt li mai ajusta pèr ilustra li guerro, li desastre, li soufrènço, li reboulimen e li cambiamen dins lou biais de viéure. Chasque raconte es un pichot rouman pau vo proun dramati que l’amour n’es lou nougau de l’interès dins l’escaraiage d’escasènço tragico que n’i’ aguè en abounde dins aquéu siècle.

Cueillies sur les chemins du siècle.
Le sixième livre que Jean-Bernard Bouéry nous propose, est un recueil de nouvelles. Né en 1922, il a vécu presque dans sa totalité le siècle qui vient de s’achever. Ces cent années furent une période des plus désastreuses dans l’histoire de l’humanité. Cela lui a permis de trouver le sujet de treize récits pris dans son déroulement, sujets les mieux adaptés pour illustrer les guerres, les drames, les souffrances, les angoisses et les évolutions dans les mœurs et la façon de vivre. Chaque récit est un petit roman plus ou moins dramatique, où l’amour est le centre d’intérêt dans le cadre d’un événement tragique dont le siècle est fécond.

Galoi – Rouman de Jaume Couloubrier.

Pèr un cop, sian coumpletamen bagna dins un mounde que fuguè lou nostre, i'a de milié d'annado. Jamai un autour remountè tant liuen dins lou tèms: se retrouban emé d'ome (... e de femo) preïstouri, dins li Gorgo de Verdoun, dóu tèms que nòstis aujòu vivien de casso e de pesco, envirouna de bèsti fèro. Mai la lèi regnavo e se devien la respeta.
Mai l'ome es toujour l'ome, atriva pèr lou poudé, aganta pè r la jalousié , mai estaca à sa famiho e à sa terro. Nous an leissa de traço dins si baumo, sus si paret.
Mai rèn sus soun lengage!
Quau nous dis que parlavon pas nosto lengo....

Lis aucèu, d’eici e d’eila

- Diciounàri prouvençau-francés pèr lis aucèu d’encò nostre : aquéli que se soun escapa, aquéli que soun à desparèisse e aquéli qu’an despareigu. D’ùni rèston dóu tèms de l’ivèr, d’àutri parton dins li païs caud…
Urousamen i’a de mens en mens de cassaire…
Li descripcioun e de citacioun assajon de nous li descriéure...

(Les oiseaux, d’ici et là)

- Dictionnaire provençal/français des oiseaux de chez nous : les rescapés, ceux qui vont disparaitre et ceux qui ont disparu…  Certains restent chez nous pendant l’hiver, d’autres migrent vers les pays chauds…
Heureusement, il y a de moins en moins de chasseurs…
Des descriptions et de citations essaient de nous les décrire.

Di pescaire, de la pesco, e di pèis d’eici

Lou Diciounàri prouven�au-francés es un travai de recerco e de recampamen fuguè di long que dins chasco regioun de pesco de noste Miejour.
Li biais de pesca an cambia, lou noum di batèu soun perdu, se pesco plus à la velo, li batèu an de moutour, li matèri naturalo (canabe, coutoun) soun rampla�ado pèr lou niloun, li floutaire de suve soun de platique, lou maneja di ret es óublida.
Soun de mestié e d’òutis que nous fau pas óublida.
De pèis tambèn an despareigu, d’àutri soun proutegi, de nouvèu aparèisson sus nòsti costo en causo dòu rescaufamen de la Mieterragno.
Li descripcioun e citacioun assajon de nous li descriéure...

Ce Dictionnaire proven�al-français est un travail de recherche et de recueil des méthodes de pêches de notre Midi.
Les façons de pêcher ont changé, les noms des bateaux sont perdus, on ne pêche plus à la voile, les bateaux ont des moteurs, les matières naturelles (chanvre, coton) sont remplacées par le nylon, les flotteurs de liège sont en plastique, l’utilisation des filets est oubliée.
Ce sont des métiers et des outils que nous ne devons pas oublier.
Certains poissons aussi ont disparu, d’autres sont protégés, des nouveaux apparaissent sur nos côtes à cause de réchauffement de la Méditerranée.
Des descriptions et des citations essaient de nous li décrire...

Rèn pèr aro

Noste tresen de recuei de pèço de tiatre

Nòstis ami perseguisson sa routo d’escrituro à quatre man. Nous presènton un tresen recuei de sèt nouvèlli pèço que fuguèron presentado d’un coustat l’autre dóu relarg.
Mai o mens longo, soun toujour emé un pichot gran d’umour. D’ùni fuguèron jougado au Festenau de Tiatre de Fuvèu e an reçaupu de guierdoun, siegue d’interpretacioun siegue de meso en sceno.
Qu’aqueste libret pousquèsse baia l’envejo à d’àutri troupo de mounta de pèço galejarello, que n’en mancan.

Nos amis poursuivent leur route d’écriture à quatre mains. Nous présentons un troisième recueil de sept nouvelles pièces qui ont été présentées d’un côté de l’autre du pays.
Plus ou moins longues, elle sont toujours avec un petit grain d’humour. Certaines ont été jouées au Festival de Théâtre de Fuveau et ont reçu des prix, soit d’interprétation, soit de mise en scène.
Que ce petit livre puisse donner envie à d’autres troupes de monter des pièces comiques, car nous en manquons.

Lou quatren recuei de pèço de tiatre

Vaqui mai nòsti dous coumpan emé soun “ Quatren recuei de pèço de tiatre ”.
Nous mostro la grando imaginacioun de Marìo-Jano e Crestian, que si pèço soun dins l’esperit dóu tiatre de Balouard.
Fan toujour grand sucès dins si representacioun e coumençon d’agué un bèu paumarés de guierdoun… Aquèu quatren recuei sara mai uno preciouso ajudo pèr li troupo que volon s’inicia au tiatre e que trobon pas toujour un autour.

Voici de nouveau nos deux compères avec leur “Quatrième recueil de pièce de théâtre”.
Il nous montre la grande imagination de Marie-Jeanne et Christian dans leurs pièces, qui sont dans l’esprit du théâtre de Boulevard.
Ils ont toujours autant de succès dans leur représentation et ils commencent à avoir un beau palmarès de récompenses.
Ce quatrième recueil sera une aide précieuse pour les troupes de théâtre qui veulent s’initier au théâtre et qui ne trouvent pas toujours un auteur.

Nouvèu recuei de pèço de tiatre

En 2013, Crestian tout soulet avié publica soun proumié recuei de pèço de tiatre. Marìo-Jano adeja fasié de tiatre e escrivié un pau...

Li titre : Mèfi is aparènci ! - Sus lou banc di madur - La breto - L’innoucènt e lou mouderne - Un parèu de trìo - L’impressàrio - Lou devino-vènt.

Biasso sanitouso - Soun istòri, si benfa e soun manja

L'impourtanço baiado au voucabulàri prouvençau d'un fru, d'un liéume vo d'un coundimen adus la provo de soun estacamen à nosto terro. La cousino es touto uno istòri partènt d'aquéli fru, liéume vo ounchuro, en mai quand es prouvençalo aganto uno autro sabour apetissènto. N'en farai pas un plat, coume lou Jan-Toupin, veirés li recèto vous baion envejo de cousineja.
E pèr aquéli qu'acampo fam, tout acò crido:"manjo-me!"
Vai ! Lou libre es bèn alenga... pas soulamen pèr tasta la bono biaisso, mai tambèn pèr la parladuro, lou lengage di cousiniero...
Tout lou voucabulàri prouvençau perboulis aqui, dins lou tian o la cassolo.

L'importance donnée au vocabulaire provençal d'un fruit, d'un légume ou d'un condiment apporte la preuve de son détachement à notre terre. La cousine est tout une histoire en partant de ces fruits, légumes ou assaisonnement, en plus quand elle est provençale, elle ajoute une autre saveur appétissante. Je n’en ferai pas un plat, comme Jan-Toupin, vous verrez les recettes qui vous donne vous envie de cuisiner.
E pour qu’elles vous donnent faim, tout ce vous crie “mange-moi !
Le libre est bien tourné... pas seulement pour gouter du bon manger, mais aussi pour parler, le langage des cuisinières...
Tout le vocabulaire provençal bout cii, dans le tian o la casserole.

Marius Bourrelly, lou felibre de la mar

Tourna-mai parti pèr faire l’article dóu bicentenàri de la neissènço de Marius Bourrelly, Bernat Giély s’es encaro perdu dins li troubaio toucant aquéu pouèto proulisse. Bèn segur aquéu tèste loungaru fasènt trop d’alòngui, poudié pas teni dins un soulet article. Adounc valié miés n’en publica tout lou countengut en librihoun…
Dins aquelo biougrafìo de Marius Bourrelly, Bernat Giély nous baio à descurbi l’inmensita de soun obro prouvençalo. Es l’escrivan prouvençau qu’escriguè lou mai grand noumbre de pouèmo en lengo nostro, bèn tant que Frederi Mistral lou batejè pèr aquelo immenseta : ”Bourrelly / Atlas”…

Nous voilà partis pour faire l’article du bicentenaire de la naissance de Marius Bourrelly, Bernard Giély s’est encore perdu dans les trouvailles touchant ce poète prolixe. Bien sûr le texte un peu long, ne pouvait pas tenir dans un seul article. Il valait donc mieux d’en publier tout le contenu en un petit livre…
Dans cette biographie de Marius Bourrelly, Bernard Giély nous fait découvrir l’immensité de son œuvre provençale. C’est l’écrivain provençal qui a écrit  le plus grand nombre de poèmes en provençal, si bien que Fréderic Mistral le baptisa : “”Bourrelly/Atlas…

Mount-Eiglun

Vaqui, vuei lou desen rouman de Bernat Giély en lengo nostro : Mount-Eiglun.
Mount-Eiglun es un vilage roudanen ounte rèston li persounage dóu rouman, mai s’espacejon d'Avignoun à-z-Ais emai en Aurenjo.
Sian de-bon dins la vido vidanto dóu tèms de Frederi Mistral emé lou Felibrige neissènt.
Un jouine estudiant en bousco de calignage, encapo uno poulido rebroussiero e se perd dins si bèu-bèu…
Se n'en pòu pas dire la fin que se cerco coume un sant-grasau. Lou legèire aura envejo de counèisse la seguido, li reboumb d'aquelo entrigo e l'evoulun di persounage dins l'imaginaire de la vido e n’en fara soun bonur.
De tout biais l'aparamen de la lengo es mai aqui, presènt, emé li felibre primadié.
Mai li primadié dóu Felibrige, pecaire, an pas trouba de primadiero !
De-verai, l'autour rèsto toujour e pertout un militant pèr manteni soun parla meirenau.

Voici le dixième roman de Bernard Giély en provençal : Mount-Eiglun.
Mount-Eiglun est un village rhodanien où vivent les personnages du roman, mais évoluent d'Avignon à Aix à Orange.
Nous sommes dans le vie courante au temps de Fréderic Mistral avec le Félibrige naissant.
Un jeune étudiant à la recherche d’affection, trouve une petite grincheuse et se perd dans ses caresses…
Son ne peut pas raconter la fin... Le lecteur aura envie de connaître la suite, les rebondissements de cette intrigue e l’évolution des personnages dans l'imaginaire de la vie et en fera son bonheur.
Comme toujours, la sauvegarde de la langue est toujours, présente, aves les felibre primadié.
Mais les primadié du Félibrige, peuchère ! n’ont pas trouvé de primadiero !
Surtout, l'auteur reste toujours e partout un militant pour maintenir soun parler materne.

Biais de dire

Lou tèms es vengu de se dessepara d’ùnis espressioun vieianchouno vo de lis assimila.
Tiro peno de leissa de-coustat de bèu mot d’à passa tèms… Bèn segur, soun pas perdu pèr l’escrivan, mai podon plus veni eisadamen dins lou parla de bouco.
Se pòu plus dire : “Achever sa tâche” = Acaba sa fielouso. (TdF.)

Adounc, leissan aquéli perlo raro, dins lou Grand Tresor, pèr faire clanti la lengo couladisso de noste siècle.
Pèr acò, falié ana pesca lis espressioun, li loucucioun, lis enounciacioun, li fourmulo, li tournuro, li terme… basto, tóuti li dire que se dison toujour, vuei, en lengage prouvençau… E zóu mai !, aquéu pescaire que plounjo e nado de-longo dins aquélis aigo lengagiero èro tout trouba, segur, Bernat Giély… Tranquilet, prenguè d’alen e se groupè à-n-aquéu recuei de bèn dire, vaqui sa poulido triado.

Le temps est venu d’abandonner certaines expressions vieillottes ou de les assimiler.
Il nous fait peine de laisser de beaux mots d’avant… Bien sûr, ils ne sont pas perdus pour notre écrivain, mais ils ne nous viennent plus facilement en bouche.
Donc laissons ces perles rares dans le TdF, pour faire chanter la langue de notre siècle.
Pour cela, il fallait aller pêcher les expressions, les locutions, les énonciations, les formules, les tournures, les termes… Bon ! tous les dires qui se disent toujours, aujourd’hui en langage provençal. E, allez ! ce “pêcheur” qui plonge et nage toujours dans ces eaux langagières était tout trouvé, et Bernard Giély,… tranquillement, prit sa respiration et rassembla dans ce recueil de bien dire, voici donc son bon choix.

Lou trionfle de Bèu-Caire

L'autour nous enmeno aqueste cop, en un di moumen li plus bèu de nosto istòri. dins la vilo de Bèu-Caire triounflanto, quouro Simoun de Mount-Fort soufriguè sa mai doulourouso desfacho.
Bèn segur es un rouman, rouman istouri belèu, mai lou rescontre amourous es toujour presènt. Lou realisme dóu fa istourique e dóu fa roumanesc s' interpenètron.
L'eros es pas un ome d'acioun, mai un ome de plumo es dins lou tèms e n'en porto temouniage.
L'erouino, elo, es la messagiero d'uno councepcioun dóu mounde de l'epoco, e desvouloupo à l'asard de l'aventuro sis idèio, sa vesioun, sa pensado... uno verita umano que forço à n'en coumprene lou sèns prefound.
Lou narratour, éu, es toujour lou meme, baio uno tiero d'esprovo à si persounage. L'entrigo es mai aqui emé lis entravadis que s'encambon dins la grando bourroulo di batèsto esteriouro pèr ajougne l'amour courtés.
Vaqui mai, un rouman remirable en lengo nostro, pivelant, delicat, soulide, soumptuous e magnifi coume soun castèu.

Trin d�espèr

Dins “ Trin d’espèr ”, retrouban mai aqui l’esperit roumanesc, que nous racounto uno poulido istòri, d’� mita camin entre lou rouman d’aventuro e d’amour.
Es tout bounamen uno ist�ri cativanto vo esmouvènto fai espera �o que reservo l’aveni � si persounage.
Sian aqui dins un trin d'esperan�o emé la passioun inquieto pèr un amour esperdu dins un tèms que sèmblo lou finimen di bourroulo dóu mounde.

Dans “ Trin d’esp�r ”, nous retrouvons ici l’esprit romanesque, que nous raconte une jolie histoire, à mi-chemin entre le roman d’aventure et d’amour.
C’est tout bonnement une histoire captivante et émouvante qui fait espérer ce que réserve l’avenir � ses personnages.
Nous sommes ici dans un train d'espérance avec la passion inquiète par un amour éperdu dans un temps que semble la fin des événements qui bouleversent le monde.

Fiò de bos (2ndo edicioun)
Em’ aquéu rouman, Bernat Giély laisso l'aigo pèr lou fiò.
Soun infèr es lou prougrès. Mai anas pas crèire que n'óublido lou recit. Sian tourna-mai dins l'Oudissèio d'un destin.
L'autour nous vèn descriéure, aqueste cop, uno di realita de la vido vidanto ounte li teinico boulouverson li vièi mode de travai. Aqui mai, a sachu integra abilamen uno istòri d'amour e d'ounour dins un countèste istouri qu’a viscu e porto temouniage sus la pratico usualo d’un artisanat qu’aro se perd plan planet…

Em’acò, soubro lou libret qu’acoumpagnavo aquéu rouman, “Lou tresor di mot dins la boulenjarié”, diciounàri prouvençau/francésde 165 pajo au fourmat 12x18

Fiò de bos + Lou tresor di mot dins la boulenjarié

Flour de camin
Zóu mai, pèr la tresenco edicioun d’aquéu rouman tourna au siècle passa, dins lou fiò de la Grando Guerro.
Se poudrié crèire que l’autour l’a viscudo, mai noun es pas un raconte menimous de batèsto, es d’en proumié, coume toujour, uno bello istòri d'amour emai siegue dins un vièi countèste istouri que sa counmemouracioun s’acabo aquest an (2018).
De-bon verai, li rouman de Bernat Giély an toujour uno part ligado à l'Istòri tourmentado de noste siècle.

Auzias Jouveau - Lou libre de sa vido
Bernat Giély s’es perdu dins li troubaio toucant aquéu pouèto, e acò a trop fa d’alòngui… Poudié pas teni dins un soulet numerò. Adounc vaqui, n’en publican tout lou countengut en librihoun…

L'ouro dóu secrèt (4) – Bernat Giély
Dins tóuti li vilage, i'avié un secrèt escoundu, subre-tout à la sourtido de la guerro de 39/45

D’avèrbi, de prepousicioun e d’interjeiciounen en prouvençau La Gramatico plan-planet - Tome IV

Bernat Giély countùnio riboun-ribagno d’espepidouna la gramatico prouvençalo à grand ranfort d’eisèmple pesca dins li gràndis obro de nosto literaturo.
Fisançous dins l’aveni de la lengo, baio toujour sis esplico en prouvençau.

Après lou tome I:
Li letro dóu prouvençau de la gramatico plan-planet.
Lou tome II:
L’article, lou noum e l’ajeitiéu qualificatiéu en prouvençau.
Lou tome III:
D’ajeitiéu e de prounoum en prouvençau.

Vaqui dounc, vuei, lou tome IV:
D’avèrbi, de prepousicioun e d’interjeicioun en prouvençau
La nouvello avançado d’aquelo obro en cadeno pèr aganta lou bon biais d’escriéure nosto lengo.

Leissique de gramatico e sciènci dóu lengage prouvençau / Prouvençau-francés & francés-prouvençau

Bernat Giély countùnio riboun-ribagno d’escriéure sa gramatico plan-planet.
Quau tèn sa lengo,tèn la clau, la vaqui dins aquéu leissique pèr bèn counèisse li terme gramaticau, e subre-tout soun ourtougràfi : lou charabiat en prouvençau pren un “t” à la fin, e lou degrad s’acabo pèr un “d”. Pièi, fau bèn encapa la proumiero voucalo d’ùni verbe, pas mescla lou “e” emé lou “i” : à titre endicatiéu se pòu counjuga à l’emperatiéu vo l’imperfèt.

d'ajeitiéu e de prounoum en prouvençau
– Bernat Giély
Lou tome 3 de la gramatico plan-planet vèn de sourti

Le tome 3 de la grammaire plan-planet vient de sortir

L’article– Bernat Giély
lou noum e l’ajeitiéu qualificatiéu en prouvençau - La gramatico plan-planet, I II

Li letro dóu prouvençau – Bernat Giély
Pichoto gramatico - Tome 1

Aquelo grameireto es nascudo un pau à l'asard de la publicacioun dóu journau "Prouvènço aro", quand, la chourmo de redacioun, se sian avisa que poudrié faire mestié en tóuti de ramenta quàuqui règlo gramaticalo de la grafìo mistralenco.
Bèn segur, aquéu presfa fuguè fisa au cap-redatour, que voulountié se boutè au tai.
La dificulta fuguè de garda lou biais de dire de nòsti davancié, estènt que li nouvèu grameirian an, aro, lou siéu, un pau mai pounchu.
Resta simple pèr dire de causo que podon parèisse coumplicado, è èro la toco de la redacioun d'aquelo presentacioun gramaticalo.

Engano en galèro - Bernat Giéy – Rouman

Pèr engano, Jan Coumbaut, lou jouine faus-saunié, vai perdre soun noum d'oustau e se retrouba estaca à l'arganoun, la cadeno di galerian, que davalo à Marsiho. Vai trima coume aquéli fourçat tout de, long dóu camin sènso pousqué se plagne.
Assajara de s'escapa, mai de bado, arribara au port.
Enroula sus la Grand Realo, la galèro mestresso, vai counèisse la vido, lis us e li coustumo di galerian encadena en brancado.
Lou  legèire, éu, vai counèisse la vido vidanto en galèro emé lou riche voucabulàri de la marino qu'espe liguè, aqui, dins lou port de Marsiho.

La Terrour Rouge, un rouman de Fèlis Gras (1844-1901), capoulié dóu Felibrige de 1891 à 1901.

Aquelo obro istourico es la segoundo partido d’uno trilougìo roumanesco escricho pèr Fèlis Gras que raconto la mountado di revouluciounàri marsihés à Paris e touto d’aquelo aventuro republicano que s’acabo en Avignoun.
Aquéu segound episode “Li Rouge dóu Miejour” aguè pas l’ur d’èstre presènta en libre dins sa versioun óuriginalo en prouvençau.
Es soulamen sa traducioun franceso que troubè à èstre publicado à Paris emé pièi dins uno reviraduro angleso e uno autro oulandeso.

La Terrour blanco, un rouman de Fèlis Gras (1844-1901), capoulié dóu Felibrige de 1891 à 1901.

Aquelo obro istourico es la tresenco partido d'uno trilougìo roumanesco escricho pèr Fèlis Gras que raconto la mountado di revouluciounàri marsihés à Paris e touto d'aquelo aventuro republicano que s'acabo en Prouvènço.
Lou tresen episode “La Terrour blanco“ aguè pas l’ur d'èstre publica en voulume dins sa versioun óuriginalo.
Es soulamen sa versioun franceso que troubè à èstre publicado à Paris e sa versioun angleso en Anglo-terro.

Rèn pèr aro

Rèn pèr aro

Rèn pèr aro

Rèn pèr aro

Nouvèu recuei de pèço de tiatre

En 2013, Crestian tout soulet avié publica soun proumié recuei de pèço de tiatre. Marìo-Jano adeja fasié de tiatre e escrivié un pau...

Li titre : Mèfi is aparènci ! - Sus lou banc di madur - La breto - L’innoucènt e lou mouderne - Un parèu de trìo - L’impressàrio - Lou devino-vènt.

Rèn pèr aro

Rèn pèr aro

Rèn pèr aro

Rèn pèr aro

Rèn pèr aro

Rèn pèr aro